ಕಾಲದಾಚೆಯ ತೀರ... ಹೊಳೆದದ್ದು ತಾರೆ, ಉಳಿದಿದ್ದು ಆಕಾಶ... ಮರಳಿನಂತ ಕನಸು, ಅಲೆಯಂತ ಮನಸು, ಹೀಗೆ ಸುಮ್ಮನೆ ಒಂದಿಷ್ಟು....
ನಿರಂತರ ಚಲನೆ-ನಿರಂತರ ಒಲುಮೆ-ತೆರೆ, ನೋಡಿದಷ್ಟೂ ದೂರ ತೀರ... ಸುಮ್ಮನಿರಲಾರದ ಮನಸಿಗೆ ಸಾಗರದಷ್ಟು ಕನಸು.....

ನವೋನ್ಮಾದ ಸ್ಪಂದನಕ್ಕಾಗಿ http://samudrateera.wordpress.com/

Wednesday 3 October 2012

ಮರೆಯುವ ಬದುಕು-ಬಂಧ

ದೇವಾಮೃತ ಗಂಗೆ//ರಘುನಂದನ ಕೆ. 


ನಿನ್ನ ಬೆರಳ ತುದಿಯ ಸ್ಪರ್ಶಕ್ಕೆ
ನನ್ನೆದೆಯ ಕರಘಂಟೆ ಮೊಳಗಿ
ಬಾಗಿಲು ತೆರೆದರೆ
ಎದುರುಗೊಂಡಿದ್ದು ನೀನಲ್ಲ
ನಿನ್ನ ಕಿಲಕಿಲ ನಗೆ
ಬೆಚ್ಚಗಿನ ಒಲವ ಬಗೆ.

ಅದೇ ಬೆರಳ ತುದಿಯಿಂದ
ಹರಿದ ಎಸ್ಸೆಮ್ಮೆಸ್ ಪ್ರೇಮ
ನನ್ನ ಬೆರಳ ತುದಿಯ ಸ್ಪರ್ಶಿಸಲು
ಅರಳಿದ್ದು ನೂರು ರಿಂಗ್ಟೋನ್ಗಳು
ಈಗ ಕೈಗಳಲ್ಲಿ ಕೈಗಳು ಬೆಸೆಯುವುದಿಲ್ಲ
ಬೆರಳ ತುದಿಗಳಿಗೆ ಪುರುಸೊತ್ತಿಲ್ಲ..!!

ಸಾಪ್ಟ್ ವೇರ್ಗಳ ಲೋಕದಲ್ಲಿ
ಮುಳುಗಿದ್ದಾಳೆ ಸಾಪ್ಟ್ ಹುಡುಗಿ
ಪುಟ್ಟ ಪೆಟ್ಟಿಗೆಯೊಳಗೆ
ಬ್ರಹ್ಮಾಂಡವೇ ಕಾಣುತ್ತದೆ
ಬಾಯ್ತೆರೆದು ಬ್ರಹ್ಮಾಂಡ ತೋರಿದ
ಕೃಷ್ಣ ಕೂಡ ಕಂಪ್ಯೂಟರೊಳಗೆ ಬಂಧಿ
ತುಂಟ ಹುಡುಗಿಯ ಕೈಯ ಹಿಡಿತಕ್ಕೆ
ಸಿಕ್ಕ ಮೌಸ್ ಬಾಲ ಅಲ್ಲಾಡಿಸಿದೆ…!!

ಪಾಳಿಯಲ್ಲಿ ಹಗಲಿರುಳುಗಳ ನುಂಗಿ
ಕಾಂಚಾಣ-ಕಾರ್ಡುಗಳ ರಾಶಿಯಲ್ಲಿ
ಪರ್ಸುಗಳು ಭಾರವಾಗಿವೆ
ವಾರದ ಕೊನೆಯಲ್ಲಿ
ಎಲ್ಲಕ್ಕೂ ಹೊರಗಿಣುಕುವ ತವಕ

ಪಬ್ಬು-ಕ್ಲಬ್ಬುಗಳ ನಶೆಯಲ್ಲಿ
ವೀಕೆಂಡುಗಳ ಹುಡುಕಿ
ಓಡುವವರ ವಿಚಿತ್ರ ಲೋಕದಲ್ಲಿ
ಬಂಧಗಳು ವೀಕ್ ಆಗಿದ್ದು
ತಿಳಿವ ಮೊದಲೇ
ಕಂಪ್ಯೂಟರ್ ಕರೆಯುತ್ತದೆ
ಬದುಕು ಮರೆಯುತ್ತದೆ…!!


* * * * * * * *
ಚಿತ್ರಕೃಪೆ : ಅಂತರ್ಜಾಲ

ದಿನಾಂಕ:03.10.2012ರಂದು ಅವಧಿ ಯಲ್ಲಿ ಪ್ರಕಟಿಸಲ್ಪಟ್ಟಿದೆಅವಧಿಯ ಪುಟಗಳಲ್ಲಿ ಓದಲು  ಲಿಂಕ್ ಬಳಸಿ –  http://avadhimag.com/?p=65458


 (ಬಣ್ಣ ಚಿತ್ರಗಳಿಲ್ಲದ ಸಹಜ ಓದಿಗೆ  http://samudrateera.wordpress.com/  ಗೆ ಭೇಟಿ ನೀಡಿ)


2 comments:

  1. ವಾಹ್! ರಘುನಂದನ್ ನಿಮ್ಮ ಕಥೆಗಳು ಕವನಗಳು ಅದ್ಭುತವಾಗಿವೆ. ಸುಂದರ ನಿರೂಪಣೆ. ಬರೆಯುತ್ತಿರಿ... ಓದುತ್ತಿರುತ್ತವೆ ನಾವೆಲ್ಲ. ಪ್ರೀತಿಯಿಂದ....

    ReplyDelete
  2. tooo supperappa......

    ಸಾಲುಗಳು ಕಲ್ಪಿಸುವದಕ್ಕೂ ಕಷ್ಟ.....

    ತುಂಬಾ ಸಿಂಪಲ್......

    ಜೈ ಹೋ........

    ReplyDelete

ನಿಮ್ಮ ಅನಿಸಿಕೆ